不經不覺,原來一年無寫過網誌.兩個小朋友真係用晒我的時間,再加埋兩隻狗,一個囡囡爸爸,打理前後花園,平日的家頭細務同膳食,同最新加盟的泳池.我真係做到氣咳.最近美國有個叫做extreme couponing的電視節目,睇完之後我同老公講,如果真係可以做到佢地一半,或者四分一,我地可以慳好多錢喎.個節目的人可以慳到90%-100%買餸同日用品,有時仲誇張到可以有錢賺.所以諗住人地又係主婦,我又係主婦,試下都無妨又無損失的心態下.我開始左我訂報紙儲coupons的生活.

轉眼已經試左兩個月,現在我打所有的coupons都入落電腦,又有文件夾分類存放,有效率又整齊好多.最叻的一次係慳多過50%,都算唔錯.但要湊住兩個女去買餸,一邊要留意那些有特價,又要找coupons,真係頭暈眼花,每次都起碼要一小時至兩小時才可以完成購物.

今天很誇張,一次過買了9盒穀物早餐,因為買4盒減$4,之後我又有自己的coupons可以一齊用,加埋慳左十幾蚊.另外沙津醬做特價$1,我又有兩張$1 coupons,兩樽都免費,呵呵. 加埋其他減價同coupons,$92.8減到$70.83.唔係好多,但每次都慳少少好過無.全職媽媽賺唔到錢幫補家計,但可以從慳錢著手.

唔知我可唔可以好似電視上面的太太們咁,慳咁多呢.如果可以的話,可以好似其中一個太太咁,慳錢多到可以去旅行,我就可以慳到返香港探親.要努力D.